Isaias 40:9-11

Ang Biblia, 2001

⁹ Umakyat ka sa mataas na bundok,
    O Zion, tagapagdala ng mabubuting balita;
itaas mo ang iyong tinig na may kalakasan,
    O Jerusalem, tagapagdala ng mabubuting balita,
    itaas mo, huwag kang matakot;
sabihin mo sa mga lunsod ng Juda,
    “Tingnan ang inyong Diyos!”
¹⁰ Narito,^(A) ang Panginoong Diyos ay darating na may kapangyarihan,
    at ang kanyang kamay ay mamumuno para sa kanya;
narito, ang kanyang gantimpala ay dala niya,
    at ang kanyang ganti ay nasa harapan niya.
¹¹ Kanyang^(B) pakakainin ang kanyang kawan na gaya ng pastol,
    kanyang titipunin ang mga kordero sa kanyang bisig,
at dadalhin sila sa kanyang kandungan,
    at maingat na papatnubayan iyong may mga anak.