Isaias 31:1-2

Magandang Balita Biblia

31 Kahabag-habag kayong umaasa sa tulong ng Egipto
    at nagtitiwala sa bilis ng kanilang mga kabayo,
nananalig sa dami ng kanilang mga karwahe,
    at sa matatapang nilang mangangabayo,
sa halip na sumangguni at umasa kay Yahweh,
    ang Banal na Diyos ng Israel.
² Alam ni Yahweh ang kanyang ginagawa, nagpapadala siya ng salot.
    At gagawin niya ang kanyang sinabi.
Paparusahan niya ang gumagawa ng masama
    at ang mga tumutulong sa kanila.