Isaias 29:2-4

Ang Biblia, 2001

² Gayunma'y aking pahihirapan ang Ariel,
    at magkakaroon ng pagtangis at panaghoy,
    at sa akin siya'y magiging gaya ng Ariel.
³ Ako'y magtatayo ng kampo laban sa iyo sa palibot,
    at kukubkubin kita ng mga kuta,
    at ako'y maglalagay ng mga pangkubkob laban sa iyo.
⁴ Ikaw ay magsasalita mula sa kalaliman ng lupa,
    at mula sa kababaan ng alabok ay darating ang iyong salita,
at ang iyong tinig ay magmumula sa lupa na gaya ng tinig ng multo,
    at ang iyong pananalita ay bubulong mula sa alabok.