Isaias 28:18-20

Ang Salita ng Dios (Tagalog Contemporary Bible)

¹⁸ Magiging walang kabuluhan ang pakikipagkasundo ninyo sa kamatayan at ang pakikipagkasundo ninyo sa lugar ng mga patay. Sapagkat mapapahamak kayo kapag dumating na ang mga sakuna na parang baha. ¹⁹ Palagi itong darating sa inyo, araw-araw, sa umaga at sa gabi, at tiyak na mapapahamak kayo.”

Matatakot kayo kapag naunawaan ninyo ang mensaheng ito. ²⁰ Sapagkat kayoʼy matutulad sa taong maiksi ang higaan at makitid ang kumot.^[a]