Isaias 20:4-6

Ang Salita ng Dios (Tagalog Contemporary Bible)

⁴ Sapagkat bibihagin ng hari ng Asiria ang mga taga-Egipto at mga taga-Etiopia,^[a] bata man o matanda. Bibihagin sila nang hubad at nakayapak. Makikita ang kanilang puwit, at talaga ngang mapapahiya ang mga Egipcio. ⁵ Ang mga umaasa sa Etiopia at ipinagmamalaki ang Egipto ay manlulupaypay at mapapahiya. ⁶ Sa araw na mangyari iyon, sasabihin ng mga Filisteo,^[b] ‘Tingnan ninyo ang nangyari sa mga bansang ating inaasahan at hinihingan ng tulong para tayoʼy maligtas sa hari ng Asiria. Paano na tayo maliligtas?’ ”