Isaias 2:3-5

Ang Salita ng Dios (Tagalog Contemporary Bible)

³ Sasabihin nila, “Tayo na sa bundok ng Panginoon, sa templo ng Dios ni Jacob.
    Tuturuan niya tayo roon ng kanyang mga pamamaraan upang sundin natin.”
    Kaya magsisiuwi ang mga tao mula sa Zion, ang lungsod ng Jerusalem, na dala ang Kautusan ng Panginoon.
⁴ At sa pamamagitan ng mga kautusan niya, pagkakasunduin niya ang maraming bansa.
    Kaya hindi na magdidigmaan ang mga bansa, at hindi na rin sila magsasanay ng mga sundalo para sa digmaan.
    Gagawin na lang nilang talim ng araro ang kanilang mga espada, at karit na pantabas ang kanilang mga sibat.