Isaias 11:3-5

Magandang Balita Biblia

³ Kagalakan niya ang sumunod at gumalang kay Yahweh.
Hindi siya hahatol ayon sa kanyang nakita,
    o magpapasya batay sa kanyang narinig.
⁴ Ngunit^(A) hahatulan niya ng buong katuwiran ang mga dukha,
    at ipagtatanggol ang karapatan ng mga kaawa-awa.
Tulad ng pamalo ang kanyang mga salita,
    sa hatol niya'y mamamatay ang masasama.
⁵ Maghahari^(B) siyang may katarungan,
    at mamamahala ng may katapatan.