Isaias 60:19-20

Ang Biblia, 2001

¹⁹ Ang^(A) araw ay hindi na magiging
    iyong liwanag kapag araw;
o ang buwan man
    ay magbibigay sa iyo ng liwanag.
Kundi ang Panginoon ang magiging iyong walang hanggang liwanag,
    at ang iyong Diyos ay iyong kaluwalhatian.
²⁰ Ang iyong araw ay hindi na lulubog,
    o ang iyo mang buwan ay lulubog;
sapagkat ang Panginoon ay magiging iyong walang hanggang liwanag,
    at ang mga araw ng iyong pagtangis ay matatapos.