Isaias 40:6-8

Ang Biblia, 2001

⁶ Sinasabi^(A) ng isang tinig, “Ikaw ay dumaing!”
    At sinabi ko, “Ano ang aking idadaing?”
Lahat ng laman ay damo,
    at lahat niyang kagandahan ay parang bulaklak ng parang.
⁷ Ang damo ay natutuyo, at ang bulaklak ay nalalanta,
    kapag ang hininga ng Panginoon ay humihihip doon;
    tunay na ang mga tao ay damo.
⁸ Ang damo ay natutuyo, ang bulaklak ay nalalanta;
    ngunit ang salita ng ating Diyos ay mamamalagi magpakailanman.