Isaias 17:1-3
Ang Biblia, 2001
Parurusahan ng Diyos ang Damasco
17 Isang(A) pahayag tungkol sa Damasco.
Narito, ang Damasco ay hindi na magiging lunsod,
at magiging isang buntong sira.
2 Ang mga lunsod ng Aroer ay napapabayaan;[a]
iyon ay magiging para sa mga kawan,
na hihiga, at walang mananakit sa kanila.
3 Ang kuta ay mawawala sa Efraim,
at ang kaharian sa Damasco;
at ang nalabi sa Siria ay magiging
gaya ng kaluwalhatian ng mga anak ni Israel, sabi ng Panginoon ng mga hukbo.
Footnotes
- Isaias 17:2 Sa Hebreo ay may magpakailanman .
Amos 1:3-5
Ang Biblia, 2001
Hinatulan ng Diyos ang mga Kalapit-bayan ng Israel:
Ang Siria
3 Ganito(A) ang sabi ng Panginoon:
“Dahil sa tatlong pagsuway ng Damasco,
at dahil sa apat, hindi ko pawawalang-bisa ang parusa,
sapagkat kanilang giniik ang Gilead
ng panggiik na bakal.
4 Kaya't ako'y magsusugo ng apoy sa sambahayan ni Hazael,
at tutupukin niyon ang mga tanggulan ni Ben-hadad.
5 Aking wawasakin ang mga halang ng pintuan ng Damasco,
at aking ihihiwalay ang mga naninirahan mula sa Libis ng Aven,
at siyang humahawak ng setro mula sa Bet-eden;
at ang bayan ng Siria ay tutungo sa pagkabihag sa Kir,” sabi ng Panginoon.
Zacarias 9:1
Ang Biblia, 2001
Ang Hatol sa mga Kalapit na Bansa
9 Ang(A) (B) salita ng Panginoon ay laban sa lupain ng Hadrac,
at Damasco ang pahingahang dako nito.
Sapagkat ang mata ng tao,
pati ang lahat ng lipi ng Israel ay nasa Panginoon,