Isaiah 42:1-4

Bíbélì Mímọ́ Yorùbá Òde Òn

42 ^(A)“Ìránṣẹ́ mi nìyìí, ẹni tí mo gbéró,
    àyànfẹ́ mi nínú ẹni tí mo láyọ̀;
Èmi yóò fi Ẹ̀mí mi sínú rẹ̀
    òun yóò sì mú ìdájọ́ wá sórí àwọn orílẹ̀-èdè.
² Òun kì yóò pariwo tàbí kígbe sókè,
    tàbí kí ó gbóhùn rẹ̀ sókè ní òpópónà.
³ Koríko odò títẹ̀ kan ni òun kì yóò fọ́,
    àti òwú-fìtílà tí ń jó tan an lọ lòun kì yóò fẹ́ pa.
Ní òdodo ni yóò mú ìdájọ́ wá;
⁴     òun kì yóò kọsẹ̀ bẹ́ẹ̀ ni kò ní rẹ̀wẹ̀sì
títí tí yóò fi fi ìdájọ́ múlẹ̀ ní ayé.
    Nínú òfin rẹ̀ ni àwọn erékùṣù yóò fi ìrètí wọn sí.”