31 Ègbé ni fún àwọn tí ó sọ̀kalẹ̀ lọ sí
    Ejibiti fún ìrànlọ́wọ́,
tí wọn gbẹ́kẹ̀lé ẹṣin
    tí wọ́n fi ìgbẹ́kẹ̀lé wọn sí ọ̀pọ̀lọpọ̀ kẹ̀kẹ́-ẹṣin wọn
àti agbára ńlá àwọn ẹlẹ́ṣin wọn,
    ṣùgbọ́n tiwọn kò bojú wo Ẹni Mímọ́ Israẹli n nì,
    tàbí kí wọn wá ìrànlọ́wọ́ lọ́dọ̀ Olúwa.
² Síbẹ̀síbẹ̀ òun pẹ̀lú jẹ́ ọlọ́gbọ́n ó sì lè mú ìparun wá;
    òun kì í kó ọ̀rọ̀ rẹ̀ jẹ.
Òun yóò dìde sí ilé àwọn ìkà,
    àti sí àwọn tí ń ṣe ìrànlọ́wọ́ fún aṣebi.
³ Ṣùgbọ́n ènìyàn lásán ni àwọn ará Ejibiti
    wọn kì í ṣe Ọlọ́run;
ẹran-ara ni àwọn ẹṣin wọn, kì í ṣe ẹ̀mí.
    Nígbà tí Olúwa bá na ọwọ́ rẹ̀ jáde,
ẹni náà tí ó ń ṣèrànwọ́ yóò kọsẹ̀,
    ẹni náà tí à ń ràn lọ́wọ́ yóò ṣubú;
    àwọn méjèèjì yóò sì jùmọ̀ parun.

“Gẹ́gẹ́ bí i kìnnìún ti í ké
    àní kìnnìún ńlá lórí ẹran ọdẹ rẹ̀
bí a tilẹ̀ rí ẹgbẹ́ àwọn olùṣọ́-àgùntàn
    tí a sì pè wọ́n papọ̀ láti kojú rẹ̀,
ẹ̀rù kò lè bà á pẹ̀lú igbe wọn
    akitiyan wọn kò sì lè dí i lọ́wọ́
bẹ́ẹ̀ gẹ́gẹ́ ni Olúwa àwọn ọmọ-ogun yóò sọ̀kalẹ̀ wá
    láti jagun lórí òkè Sioni àti lórí ibi gíga rẹ̀.
⁵ Gẹ́gẹ́ bí àwọn ẹyẹ ti ń rábàbà lókè
    Olúwa àwọn ọmọ-ogun yóò dáàbò bo Jerusalẹmu,
Òun yóò dáàbò bò ó yóò sì tú u sílẹ̀
    Òun yóò ré e kọjá yóò sì gbà á sílẹ̀.”

⁷ Nítorí ní ọjọ́ náà, ẹnìkọ̀ọ̀kan yín yóò kọ àwọn ère fàdákà àti wúrà tí ọwọ́ ẹ̀ṣẹ̀ yín ti ṣe.
⁸ “Asiria yóò ṣubú lọ́wọ́ idà kan tí kò ti ọwọ́ ènìyàn wá;
    idà tí kì í ṣe ti ẹ̀dá alààyè ni yóò pa wọ́n.
Wọn yóò sì sá níwájú idà náà
    àti àwọn ọmọkùnrin wọn ni a ó fún ní iṣẹ́ ipá ṣe.
⁹ Àpáta rẹ yóò kọjá lọ fún ẹ̀rù;
    àwọn olórí rẹ yóò bẹ̀rù asia náà,”
    ni Olúwa wí,
ẹni tí iná rẹ̀ ń bẹ ní Sioni,
    ẹni tí ìléru rẹ̀ wà ní Jerusalẹmu.