Hebreo 12:11-13

Ang Salita ng Dios (Tagalog Contemporary Bible)

¹¹ Habang dinidisiplina tayo, hindi tayo natutuwa kundi nasasaktan. Ngunit ang ibubunga naman nito sa bandang huli ay ang mapayapa at matuwid na pamumuhay.

Mga Babala at Bilin

¹² Kaya palakasin ninyo ang sarili nʼyo at patibayin ang inyong loob. ¹³ Lumakad kayo sa matuwid na daan upang ang mga kapatid na sumusunod sa inyo, na mahihina ang pananampalataya, ay hindi matisod at mapilayan kundi lumakas.