Habakuk 2:9-11

Magandang Balita Biblia

⁹ Mapapahamak kayong mga nagpayaman ng inyong pamilya sa pamamagitan ng inyong mga ninakaw.
    Ngayo'y nagsisikap kayong ilayo sa kapahamakan at panganib ang inyong sambahayan.
¹⁰ Ang inyong mga pagbabalak ang nagbigay ng kahihiyan sa inyong sambahayan.
    Winasak ninyo ang maraming bansa,
    kaya kayo naman ngayon ang wawasakin.
¹¹ Sisigaw laban sa inyo ang mga bato ng pader,
    at aalingawngaw sa buong kabahayan.