Genesis 6:16-18

Magandang Balita Biblia

¹⁶ Bubungan mo ito at lagyan ng kalahating metrong pagitan mula sa bubong^[a] hanggang sa tagiliran. Gawin mong tatlong palapag ang barko at lagyan mo ng pintuan sa tagiliran. ¹⁷ Palulubugin ko sa tubig ang buong daigdig at malilipol ang lahat ng may buhay sa balat ng lupa. ¹⁸ Ngunit ako'y gagawa ng kasunduan natin: Isama mo ang iyong asawa at mga anak na lalaki, pati mga asawa nila, at pumasok kayo sa barko.