Genesis 47:10-12

Ang Salita ng Dios (Tagalog Contemporary Bible)

¹⁰ Pagkatapos, muli niyang binasbasan ang Faraon,^[a] at umalis siya sa harapan ng Faraon.

¹¹ Ayon sa utos ng Faraon, inilagay ni Jose sa ayos ang kanyang ama at mga kapatid sa Egipto; ibinigay niya sa kanila ang lugar ng Rameses,^[b] na isa sa pinakamagandang lupain sa Egipto. ¹² Sinustentuhan ni Jose ng pagkain ang kanyang ama, mga kapatid at ang buong sambahayan ng kanyang ama ayon sa dami ng kanilang mga anak.