Genesis 24:28-30

Magandang Balita Biblia (with Deuterocanon)

²⁸ Nagmamadaling umuwi ang dalaga at isinalaysay ang buong pangyayari sa tahanan ng kanyang ina. ²⁹ Si Rebeca ay may kapatid na lalaki na ang pangalan ay Laban. Patakbo siyang pumunta sa balong kinaroroonan ng lalaki ³⁰ nang marinig niya ang salaysay ng kanyang kapatid, at makita ang singsing^[a] at ang mga pulseras na suot nito. Nakita nga niya ang tao sa tabi ng balon, pati ang kanyang mga kamelyo.