Genesis 11:27-29

Ang Salita ng Dios (Tagalog Contemporary Bible)

Ang mga Lahi ni Tera

²⁷ Ito ang salaysay tungkol sa pamilya ni Tera:

Si Tera ang ama nina Abram, Nahor at Haran. Si Haran ang ama ni Lot. ²⁸ Namatay si Haran doon sa Ur na sakop ng mga Caldeo,^[a] sa lugar mismo kung saan isinilang siya. Namatay siya habang buhay pa ang ama niyang si Tera. ²⁹ Naging asawa ni Abram si Sarai, at si Nahor ay naging asawa ni Milca. Ang ama ni Milca at ng kapatid niyang si Isca ay si Haran.