Ang mga Naging Anak ni Adan^(A)

5 Ito^(B) ang aklat ng mga salinlahi ni Adan. Nang lalangin ng Diyos ang tao, siya ay nilalang sa wangis ng Diyos.

² Lalaki^(C) at babae silang nilalang, at sila'y binasbasan at tinawag na Adan ang kanilang pangalan, nang araw na sila'y lalangin.

³ Nabuhay si Adan ng isandaan at tatlumpung taon, at nagkaanak ng isang lalaki na kanyang wangis, ayon sa kanyang larawan, at tinawag ang kanyang pangalan na Set.

⁴ Ang mga naging araw ni Adan pagkatapos na maipanganak si Set ay walong daang taon; at nagkaanak pa siya ng mga lalaki at mga babae.

⁵ Ang lahat ng mga araw ng naging buhay ni Adan ay siyamnaraan at tatlumpung taon at siya'y namatay.

⁶ Nabuhay si Set ng isandaan at limang taon at naging anak niya si Enos.

⁷ Nabuhay si Set pagkatapos na maipanganak si Enos ng walong daan at pitong taon at nagkaanak pa ng mga lalaki at mga babae.

⁸ Ang lahat na naging araw ni Set ay siyamnaraan at labindalawang taon at siya'y namatay.

⁹ Nabuhay si Enos ng siyamnapung taon at naging anak niya si Kenan.

¹⁰ Si Enos ay nabuhay pagkatapos na maipanganak si Kenan ng walong daan at labinlimang taon at nagkaanak pa ng mga lalaki at mga babae.

¹¹ Ang lahat na naging araw ni Enos ay siyamnaraan at limang taon at siya'y namatay.

¹² Nabuhay si Kenan ng pitumpung taon at naging anak niya si Mahalalel.

¹³ Nabuhay si Kenan pagkatapos na maipanganak si Mahalalel ng walong daan at apatnapung taon, at nagkaanak pa ng mga lalaki at mga babae.

¹⁴ Ang lahat na naging araw ni Kenan ay siyamnaraan at sampung taon at siya'y namatay.

¹⁵ Nabuhay si Mahalalel ng animnapu't limang taon at naging anak niya si Jared.

¹⁶ At nabuhay si Mahalalel pagkatapos na maipanganak si Jared ng walong daan at tatlumpung taon, at nagkaanak pa ng mga lalaki at mga babae.

¹⁷ Ang lahat na naging araw ni Mahalalel ay walong daan at siyamnapu't limang taon at siya'y namatay.

¹⁸ Nabuhay si Jared ng isandaan at animnapu't dalawang taon at naging anak niya si Enoc.

¹⁹ Nabuhay si Jared pagkatapos na maipanganak si Enoc ng walong daang taon, at nagkaanak pa ng mga lalaki at mga babae.

²⁰ Ang lahat na naging araw ni Jared ay siyamnaraan at animnapu't dalawang taon at siya'y namatay.

²¹ Nabuhay si Enoc ng animnapu't limang taon at naging anak niya si Matusalem.

²² Lumakad si Enoc na kasama ng Diyos, pagkatapos na maipanganak si Matusalem ng tatlong daang taon, at nagkaanak pa siya ng mga lalaki at mga babae.

²³ At ang lahat na naging araw ni Enoc ay tatlong daan at animnapu't limang taon.

²⁴ Lumakad^(D) si Enoc na kasama ng Diyos; at hindi na siya natagpuan sapagkat siya'y kinuha ng Diyos.

²⁵ Nabuhay si Matusalem ng isandaan at walumpu't pitong taon at naging anak niya si Lamec.

²⁶ Nabuhay si Matusalem pagkatapos na maipanganak si Lamec ng pitong daan at walumpu't dalawang taon at nagkaanak pa ng mga lalaki at mga babae.

²⁷ Ang lahat na naging araw ni Matusalem ay siyamnaraan at animnapu't siyam na taon at siya'y namatay.

²⁸ Nabuhay si Lamec ng isandaan at walumpu't dalawang taon at nagkaanak ng isang lalaki.

²⁹ Tinawag niya ang kanyang pangalan na Noe, na sinabi, “Ito ang magbibigay sa atin ng ginhawa mula sa ating gawa at sa pagpapagod ng ating mga kamay, dahil sa lupang sinumpa ng Panginoon.”

³⁰ Nabuhay si Lamec pagkatapos na maipanganak si Noe ng limang daan at siyamnapu't limang taon at nagkaanak pa ng mga lalaki at mga babae.

³¹ Ang lahat na naging araw ni Lamec ay pitong daan at pitumpu't pitong taon at namatay.

³² Nang si Noe ay may limang daang taon, naging anak niya sina Sem, Ham, at Jafet.

Ang Lahi ng mga Anak ni Noe^(A)

10 Ang mga ito ang mga salinlahi ng mga anak ni Noe: sina Sem, Ham, at Jafet: at sila'y nagkaanak pagkaraan ng baha.

² Ang mga anak ni Jafet: sina Gomer, Magog, Madai, Javan, Tubal, Meshec, at si Tiras.

³ Ang mga anak ni Gomer: sina Askenaz, Rifat, at Togarma.

⁴ Ang mga anak ni Javan: sina Elisha, Tarsis, Kittim, at Dodanim.

⁵ Sa mga ito nahati ang mga pulo ng mga bansa sa kanilang mga lupain, ang bawat isa ayon sa kanyang wika, sa kanilang mga angkan at mga bansa.

⁶ Ang mga anak ni Ham ay sina Cus, Mizraim,^[a] Put, at Canaan.

⁷ Ang mga anak ni Cus ay sina Seba, Havila, Sabta, Raama, at Sabteca; at ang mga anak ni Raama: sina Sheba, at Dedan.

⁸ Naging anak ni Cus si Nimrod na siyang nagsimulang maging makapangyarihan sa lupa.

⁹ Siya'y makapangyarihang mangangaso sa harap ng Panginoon kaya't karaniwang sinasabi: “Gaya ni Nimrod na makapangyarihang mangangaso sa harapan ng Panginoon.”

¹⁰ At ang simula ng kanyang kaharian ay ang Babel, ang Erec, ang Acad, ang Calne, sa lupain ng Shinar.

¹¹ Buhat sa lupaing iyon ay nagtungo siya sa Asiria at itinayo ang Ninive, Rehobot-ir, at ang Cale,

¹² ang Resen, sa pagitan ng Ninive at ng Cale na isang malaking bayan.

¹³ At naging anak ni Mizraim^[b] sina Ludim, Anamim, Lehabim, at Naphtuhim,

¹⁴ sina Patrusim, at Casluim na siyang pinagmulan ng mga Filisteo, at ang Caftoreo.

¹⁵ At naging anak ni Canaan sina Sidon, na kanyang panganay, at si Het,

¹⁶ at ang mga Jebuseo, Amoreo, ang mga Gergeseo;

¹⁷ ang mga Heveo, Araceo, ang Sineo,

¹⁸ ang mga taga-Arvad, Zemareo, Hamateo at pagkatapos ay kumalat ang mga angkan ng Cananeo.

¹⁹ Ang hangganan ng lupain ng mga Cananeo ay mula sa Sidon, patungo sa Gerar, hanggang sa Gaza, patungo sa Sodoma at Gomorra, at Adma, at Zeboyin hanggang Lasa.

²⁰ Ito ang mga anak ni Ham ayon sa kanilang angkan, wika, mga lupain, at kanilang mga bansa.

²¹ Nagkaroon din ng mga anak si Sem, na ama ng lahat ng mga anak ni Eber, na siyang matandang kapatid ni Jafet.

²² Ang mga anak ni Sem: sina Elam, Ashur, Arfaxad, Lud, at Aram.

²³ Ang mga anak ni Aram: sina Uz, Hul, Geter, at Mas.

²⁴ Naging anak ni Arfaxad sina Shela; at naging anak ni Shela si Eber.

²⁵ Nagkaanak si Eber ng dalawang lalaki; ang pangalan ng una'y Peleg; sapagkat sa mga araw niya'y nahati ang lupa; at ang pangalan ng kanyang kapatid ay Joktan.

²⁶ Naging anak ni Joktan sina Almodad, Shelef, Hazar-mavet, at si Jerah,

²⁷ sina Hadoram, Uzal, at Dicla,

²⁸ sina Obal, Abimael, at Sheba,

²⁹ sina Ofir, Havila, at Jobab. Lahat ng ito ay mga naging anak ni Joktan.

³⁰ Ang naging tahanan nila ay mula sa Mesha, patungo sa Sefar, na siyang bundok sa silangan.

³¹ Ito ang mga anak ni Sem, ayon sa kanilang angkan, wika, lupain, at bansa.

³² Ito ang mga angkan ng mga anak ni Noe, ayon sa kanilang lahi, at bansa. Sa mga ito nagsimulang kumalat ang mga bansa pagkatapos ng baha.

Ang mga Anak ni Sem^(A)

¹⁰ Ito ang mga salinlahi ni Sem. May isandaang taong gulang si Sem nang maging anak si Arfaxad, dalawang taon pagkatapos ng baha.

¹¹ Nabuhay si Sem ng limandaang taon pagkatapos na maipanganak si Arfaxad, at nagkaanak pa ng mga lalaki at mga babae.

¹² Nang si Arfaxad ay tatlumpu't limang taon, naging anak niya si Shela.

¹³ Nabuhay si Arfaxad ng apatnaraan at tatlong taon pagkatapos na maipanganak si Shela, at nagkaanak pa ng mga lalaki at mga babae.

¹⁴ Nabuhay si Shela ng tatlumpung taon, at naging anak si Eber.

¹⁵ Nabuhay si Shela ng apatnaraan at tatlumpung taon pagkatapos na maipanganak si Eber, at nagkaanak pa ng mga lalaki at mga babae.

¹⁶ Nabuhay si Eber ng tatlumpu't apat na taon, at naging anak si Peleg.

¹⁷ Nabuhay si Eber ng apatnaraan at tatlumpung taon pagkatapos na maipanganak si Peleg, at nagkaanak pa ng mga lalaki at mga babae.

¹⁸ Nabuhay si Peleg ng tatlumpung taon, at naging anak si Reu.

¹⁹ Nabuhay si Peleg ng dalawang daan at siyam na taon pagkatapos na maipanganak si Reu, at nagkaanak pa ng mga lalaki at mga babae.

²⁰ Nabuhay si Reu ng tatlumpu't dalawang taon, at naging anak si Serug.

²¹ Nabuhay si Reu ng dalawang daan at pitong taon pagkatapos na maipanganak si Serug, at nagkaanak pa ng mga lalaki at mga babae.

²² Nabuhay si Serug ng tatlumpung taon, at naging anak si Nahor.

²³ Nabuhay si Serug ng dalawang daang taon pagkatapos maipanganak si Nahor, at nagkaanak pa ng mga lalaki at mga babae.

²⁴ Nabuhay si Nahor ng dalawampu't siyam na taon, at naging anak si Terah.

²⁵ Nabuhay si Nahor ng isandaan at labinsiyam na taon pagkatapos na maipanganak si Terah, at nagkaanak pa ng mga lalaki at mga babae.

²⁶ At nabuhay si Terah ng pitumpung taon, at naging anak sina Abram, Nahor at Haran.