Genesis 35:16-19

Ang Biblia, 2001

Ang Kamatayan ni Raquel

¹⁶ Sila'y naglakbay mula sa Bethel. Nang sila ay may kalayuan pa mula sa Efrata, ay manganganak na si Raquel at siya'y naghihirap sa panganganak.

¹⁷ Nang siya'y naghihirap sa panganganak, sinabi sa kanya ng hilot, “Huwag kang matakot, sapagkat magkakaroon ka ng isa pang anak na lalaki.”

¹⁸ Habang siya'y naghihingalo (sapagkat namatay siya), kanyang pinangalanan siyang Benoni;^[a] subalit tinawag siyang Benjamin^[b] ng kanyang ama.

¹⁹ Kaya't namatay si Raquel at inilibing sa daang patungo sa Efrata, na siyang Bethlehem.