Genesis 14:17-20

Ang Biblia, 2001

Binasbasan ni Melquizedek si Abram

¹⁷ Siya'y sinalubong ng hari ng Sodoma pagkatapos na siya'y bumalik mula sa pagkatalo ni Kedorlaomer, at sa mga haring kasama niya sa libis ng Shave (na siyang libis ng hari).

¹⁸ At^(A) si Melquizedek, hari ng Salem na pari ng Kataas-taasang Diyos,^[a] ay naglabas ng tinapay at alak.

¹⁹ Siya'y kanyang binasbasan na sinabi, “Pagpalain si Abram ng Kataas-taasang Diyos, na lumikha ng langit at ng lupa;

²⁰ at purihin ang Kataas-taasang Diyos, na nagbigay ng iyong mga kaaway sa iyong kamay.” At binigyan siya ni Abram ng ikasampung bahagi ng lahat.