Gawa 21:16-18

Ang Salita ng Dios (Tagalog Contemporary Bible)

¹⁶ Sinamahan kami ng ilang mga tagasunod ni Jesus na taga-Cesarea. Dinala nila kami sa bahay ni Mnason na taga-Cyprus at doon kami nakituloy. Si Mnason ay isa sa mga unang tagasunod ni Jesus.

Dinalaw ni Pablo si Santiago

¹⁷ Pagdating namin sa Jerusalem, malugod kaming tinanggap ng mga kapatid. ¹⁸ Kinabukasan, sumama kami kay Pablo at dinalaw namin si Santiago. Naroon din ang mga namumuno ng iglesya sa Jerusalem.