Gawa 15:36-38

Ang Salita ng Dios (Tagalog Contemporary Bible)

Naghiwalay sina Pablo at Bernabe

³⁶ Makalipas ang ilang araw, sinabi ni Pablo kay Bernabe, “Bumalik tayo sa lahat ng bayan na pinangaralan natin ng salita ng Panginoon, at dalawin natin ang ating mga kapatid para malaman natin ang kalagayan nila.” ³⁷ Sumang-ayon si Bernabe pero gusto niyang isama si Juan na tinatawag ding Marcos. ³⁸ Pero ayaw pumayag ni Pablo, dahil noong una nakasama nila si Marcos pero iniwan sila nito noong nasa Pamfilia sila.