Galatia 3

Ne Bibliaj Tik Nawat

Ne tajtuli o ne tayulmatilis?

3 Melemet ipal Galatia! Ká metzinshuchiwijtuk, kwak ishpan anmujmuish muneshtijtuka Yeshu Mawaltijtuk cruzpilujtuk? ² Sema ini nikneki nimumachtia anmutech: ankikwijket ne Ijiutzin itech itekiw ne tajtuli, o ika antakakket ne tayulmatilis? ³ Anka anmelemet, ken anpejket iwan ne Ijiutzin wan ashan tamit iwan ne nakat? ⁴ Ankiekujket muchi uni pal te-tatka, su yaja ijkia pal te-tatka? ⁵ Yajika, ne ká metzinmaka ne Ijiutzin wan kichiwa sejse tay wey ijtik anmejemet, ken? Iwan itekiw ne tajtuli, o ika antakakket ne tayulmatilis?

⁶ Ijkiunisan ken Abraham kiyulmatki ne Teut, wan mupujki ken tamelakchiwalis, ⁷ shikmatikan tel ka ne ká kipiat tayulmatilis, yejemet ipilawan Abraham. ⁸ Ne ijkwilujtuk achtutachishki ka ne tejtechan yawit muchiwat yek ipanpa tayulmatilis, wan ne Teut kimakak Abraham ne yeknawatilis ka ipanpa yawit muteuchiwat muchi ne tejtechan. ⁹ Kiane, ne kipiat tayulmatilis muteuchiwat iwan Abraham ne tayulmati.

¹⁰ Ika muchi ká ipal itekiw tajtuli nemit itan se maldicion, ika muijkwilujtuk:

¹¹ Muita ka te aka yek ipal ne Teut ipanpa ne tajtuli, ika:

¹² Ne tajtuli te ipal tayulmatilis,

¹³ Ne Mawaltijtuk techmakishtij itech ne imaldicion ne tajtuli, yaja muchijki maldicion ka tumaku, ika muijkwilujtuk:

¹⁴ ma wiki ijpak ne tejtechan ne iteteuchiwalis Abraham ipanpa ne Mawaltijtuk Yeshu, pal tikwit ne ipromesaj ne Ijiutzin ipanpa ne tayulmatilis.

Abraham wan ne Mawaltijtuk

¹⁵ Nukniwan, ken takat nina, kenha ken se sentaketzat ipal se, kwak inatuk ka yek, te aka weli kielkawa nian weli kitalilia tatka. ¹⁶ Ne projpromesaj, ne Teut kilwij ne Abraham wan ne ishinach. Te ina: "ne ishijshinach", ken ipanpa miak, sute ken ipanpa sesan: "...wan ne mushinach"; kineki ina ne Mawaltijtuk. ¹⁷ Ini tay nina: se sentaketzat ne achtu inak ne Teut ka yek, kwak panutiwit nawtzunti wan senpual-majtakti shiwit ka yaja muchijtuk tajtuli, yaja te ina ka te tatka ipatiw wan ma puliwi ne promesaj, ¹⁸ ika su ne herenciaj ipal tajtuli, intea ipal promesaj, wan ne Teut kimakak ne Abraham ken promesaj.

¹⁹ Taika ne tajtuli tel? Mutalilij ipanpa tay ne muchiwa teyek, hasta ma wiki ne shinachti ká ne ipal muchijki prometer, tuktijtuk itech tanawatianimet tik ijimey se tajkutaketzani. ²⁰ Ne tajkutaketzani ipal sesan inte kanaj, wan ne Teut sesan!

²¹ Anka kineki ina ka ne tajtuli inte senyawi iwan ne ipromesaj ne Teut? Intesu, ika su muchijtuskia se tajtuli ne weli tayulkwepa, ijkia kisaskia ne tamelakchiwalis itech ne tajtuli. ²² Pero ne tay nemi ijkwilujtuk kitzaktuk muchi itan ne tateyekchijtuk pal kiane ne tayulmatit yawit kikwit ne promesaj ipanpa itayulmatilis Yeshu Mawaltijtuk.

²³ Achtu ka walaj ne tayulmatilis, tinemituyat pajpachiwijtuk, tzajtzaktuk ipal ne tayulmatilis ne teuk muneshtijtuya. ²⁴ Ijkiuni ne tajtuli muchijki tutamachtiani pal techwika itech ne Mawaltijtuk, ma timuchiwakan yejyek ipanpa tayulmatilis. ²⁵ Kwak walaja ne tayulmatilis, intea tinemit itan ne tamachtiani.

²⁶ Ika, muchi anhipilawan Teut ipanpa ne itayulmatilis ne Mawaltijtuk Yeshu, ²⁷ ika muchi ká mumakatiwit ulyuj tik ne Mawaltijtuk, anmutakentijtiwit iwan ne Mawaltijtuk. ²⁸ Inte kanaj Yudayuj nian Greciajtakat, inte kanaj tepaltekitini nian isel itekuyu, inte kanaj ukich nian siwat, ika muchi anmejemet sesan ijtik ne Mawaltijtuk Yeshu. ²⁹ Asu anmejemet ipal ne Mawaltijtuk, yajika anhishinach Abraham wan anyawit kipiat ken inak ne promesaj.