Ezekiel 42:14-16

Ang Salita ng Dios (Tagalog Contemporary Bible)

¹⁴ Kapag ang mga pari ay lumabas na sa mga banal na silid^[a] na ito, hindi sila dapat pumunta agad sa bakuran sa labas. Dapat magbihis muna sila ng ibang damit bago sila pumunta sa bahagi ng templo na para sa mga tao.”

¹⁵ Matapos sukatin ng tao ang loob ng templo, dinala niya ako sa labas. Doon kami dumaan sa gawing silangan, at sinukat niya ang kabuuang luwang ng templo. ¹⁶ Sinukat niya ng kanyang panukat na kahoy ang gawing silangan, at ang sukat ng haba nito ay 850 talampakan.