Ezekiel 31:7-9

Ang Biblia, 2001

⁷ Ito ay maganda sa kanyang kadakilaan,
    sa haba ng kanyang mga sanga;
sapagkat ang kanyang ugat ay bumaba
    hanggang sa saganang tubig.
⁸ Ang^(A) mga sedro sa halamanan ng Diyos ay hindi makapantay sa kanya;
    ni ang mga puno ng abeto ay hindi gaya ng kanyang mga sanga,
at ang mga puno ng kastano ay walang halaga
    kapag inihambing sa kanyang mga sanga;
walang anumang punungkahoy sa halamanan ng Diyos
    na kagaya niya sa kanyang kagandahan.
⁹ Pinaganda ko siya
    sa karamihan ng kanyang mga sanga,
kaya't lahat ng punungkahoy sa Eden,
    na nasa halamanan ng Diyos, ay nainggit sa kanya.