Ezekiel 29:9-11

Magandang Balita Biblia (with Deuterocanon)

⁹ Ang buong Egipto ay matitiwangwang at mawawalan ng kabuluhan. Sa gayon makikilala ninyong ako si Yahweh.

“Sinabi mong iyo ang Ilog Nilo sapagkat ikaw ang gumawa niyon. ¹⁰ Dahil diyan, laban ako sa iyo at sa iyong Ilog Nilo. Ititiwangwang ko ang buong Egipto at gagawin kong walang kabuluhan, mula sa Migdal hanggang Sevene at sa mga hangganan sa Etiopia.^{[a] 11} Sa loob ng apatnapung taon, walang tao o hayop na tutuntong dito ni titira.