Ezekiel 24:2-4

Ang Salita ng Dios (Tagalog Contemporary Bible)

² “Anak ng tao, isulat mo ang petsa ng araw na ito dahil ngayon magsisimula ang paglusob ng hari ng Babilonia sa Jerusalem. ³ Pagkatapos, sabihin mo ang talinghagang ito sa mga rebeldeng mamamayan ng Israel at ipaalam sa kanila na ako, ang Panginoong Dios, ang nagsasabi nito:

“Maglagay ka ng tubig sa kaldero, ⁴ lagyan mo ng magandang klase ng karne na mula sa parteng balikat at hita kasama ang mga buto nito.