Ezekiel 23:13-15

Magandang Balita Biblia

¹³ At nakita kong siya man ay nagpakasamang tulad ng kanyang kapatid. ¹⁴ Ngunit hindi pa siya nakuntento roon. Nakakita siya ng larawan ng mga lalaki, nakaukit sa pader; ito'y larawan ng mga pinuno ng Babilonia na nakaguhit ng matingkad na pula. ¹⁵ Ang mga ito'y may magagandang pamigkis. Magaganda rin ang palawit ng kanilang mga turbante. Sila ay mga pinuno at mga taga-Babiloniang naninirahan sa Caldea.