^7 (A)Akabi kabajjidde,
    mmwe abatuuze.
Ekiseera kituuse era olunaku luli kumpi,
    olunaku olw’okutya so si olw’okujaguliriza ku nsozi.

2 ^(A)Bakabona mufuuyire ekkondeere mu Sayuuni.
    N’akagombe ak’okulabula kavugire ku lusozi lwange olutukuvu.

^11 (A)Mukama akulembera eggye lye
    n’eddoboozi eribwatuuka.
Eggye lya Mukama ddene nnyo era lya maanyi.
    Abalirimu abatuukiriza ebiragiro bye ba maanyi.
Kubanga olunaku lwa Mukama lukulu
    era lwa ntiisa nnyo.
    Ani ayinza okulugumira?

^18 (A)Enzikiza eriba ku Tapaneese emisana,
    bwe ndimenya ekikoligo kya Misiri,
    era n’amaanyi ge yeewaana nago galimuggwaamu.
Alibikkibwa n’ebire
    era n’ebyalo bye biriwambibwa.

^12 (A)Ekiseera kituuse,
    n’olunaku lutuuse.
Agula aleme okusanyukirira,
    n’oyo atunda aleme okunakuwala,
    kubanga obusungu bubuubuukidde ku kibiina kyonna.