Exodus 15:13-15

Ang Salita ng Dios (Tagalog Contemporary Bible)

¹³ “Sa pamamagitan ng walang tigil nʼyong pagmamahal, gagabayan nʼyo ang inyong mga iniligtas.
    Sa pamamagitan ng inyong lakas, gagabayan nʼyo sila sa banal nʼyong tahanan.
¹⁴ Maririnig ito ng mga bansa at manginginig sila sa takot.
    Lubhang matatakot ang mga Filisteo.
¹⁵ Ang mga pinuno ng Edom at Moab ay manginginig sa takot,
    at ang mga pinuno^[a] ng Canaan ay hihimatayin sa takot.