Exodus 12:40-42

Ang Salita ng Dios (Tagalog Contemporary Bible)

⁴⁰ Nanirahan ang mga Israelita sa Egipto nang 430 taon. ⁴¹ Sa huling araw ng 430 taon, umalis sa Egipto ang buong mamamayan ng Panginoon. ⁴² Nang gabing umalis ang mga Israelita sa Egipto, binantayan sila ng Panginoon buong gabi. Kaya katulad ng gabing iyon taun-taon, magpupuyat ang lahat ng mga Israelita bilang pagpaparangal sa Panginoon at gagawin nila ito hanggang sa mga susunod pang henerasyon.