Exodus 35:4-9

Ang Salita ng Dios (Tagalog Contemporary Bible)

Ang mga Handog para sa Toldang Sambahan^(A)

⁴ Sinabi ni Moises sa buong mamamayan ng Israel, “Ito ang iniutos ng Panginoon na gawin ninyo: ⁵ Maghandog kayo sa Panginoon mula sa mga ari-arian ninyo. Maghandog nang maluwag sa inyong puso ng mga ginto, pilak, tanso, ⁶ lanang kulay asul, ube at pula, pinong telang linen, telang gawa sa balahibo ng kambing, ⁷ balat ng lalaking tupa na kinulayan ng pula, magandang klase ng balat, kahoy na akasya, ⁸ langis ng olibo para sa ilaw, mga sangkap sa langis na pamahid at pabango sa insenso, ⁹ batong onix at iba pang mamahaling bato na ilalagay sa espesyal na damit^[a] ng punong pari at sa bulsa sa dibdib nito.