Exodo 29:44-46

Ang Dating Biblia (1905)

⁴⁴ At aking pakakabanalin ang tabernakulo ng kapisanan, at ang dambana; si Aaron man at ang kaniyang mga anak ay aking papagbabanalin upang mangasiwa sa akin sa katungkulang saserdote.

⁴⁵ At ako'y tatahan sa gitna ng mga anak ni Israel, at ako'y magiging kanilang Dios.

⁴⁶ At kanilang makikilala, na ako ang Panginoon nilang Dios, na kumuha sa kanila sa lupain ng Egipto, upang ako'y tumahan sa gitna nila: ako ang Panginoon nilang Dios.