Exodo 35:4-9

Magandang Balita Biblia

Ang mga Handog para sa Santuwaryo^(A)

⁴ Sinabi ni Moises sa mga Israelita, “Ito ang iniuutos ni Yahweh: ⁵ Maghandog kayo kay Yahweh. Ito ang maaari ninyong ihandog: ginto, pilak at tanso; ⁶ lanang kulay asul, kulay ube, at kulay pula. Gayundin ng pinong sinulid na lino, at balahibo ng kambing, ⁷ balat ng lalaking tupa na kinulayan ng pula, mainam na balat, at kahoy na akasya, ⁸ langis para sa ilawan, pabangong panghalo sa langis na pampahid at sa insenso. ⁹ Maghahandog din sila ng mga alahas na kornalina at mamahaling alahas na pampalamuti sa efod at sa pektoral ng pinakapunong pari.”