Exodo 30:17-21

Ang Biblia, 2001

Ang Palangganang Tanso

¹⁷ Ang Panginoon ay nagsalita kay Moises,

¹⁸ “Gagawa^(A) ka rin ng isang palangganang yari sa tanso, na may patungang tanso, upang paghugasan. Iyong ilalagay ito sa pagitan ng toldang tipanan at ng dambana, at iyong sisidlan ito ng tubig.

¹⁹ Si Aaron at ang kanyang mga anak ay maghuhugas doon ng kanilang mga kamay at mga paa.

²⁰ Kapag sila'y pumapasok sa toldang tipanan ay maghuhugas sila ng tubig, upang sila'y huwag mamatay, o kapag sila'y lumalapit sa dambana upang maglingkod, upang magsunog ng handog sa Panginoon na pinaraan sa apoy.

²¹ Kaya't maghuhugas sila ng kanilang mga kamay at mga paa upang huwag silang mamatay. Ito'y magiging isang batas magpakailanman para sa kanila, sa kanya at sa kanyang binhi, sa buong panahon ng kanilang mga salinlahi.”