Exodo 23:10-11
Magandang Balita Biblia
Ang Ikapitong Taon at ang Ikapitong Araw
10 “Anim(A) (B) na taon ninyong tatamnan ang inyong mga bukirin at anim na taon din ninyong aanihin ang bunga. 11 Sa ikapitong taon, huwag ninyo itong tatamnan at huwag din ninyong aanihin ang anumang tutubo roon. Bayaan na ninyo iyon sa mga kapatid ninyong mahirap, at ang matira ay ipaubaya na ninyo sa mga maiilap na hayop. Ganoon din ang gagawin ninyo sa inyong mga ubasan at taniman ng olibo.
Read full chapter
Levitico 25:1-7
Magandang Balita Biblia
Ang Taon ng Pamamahinga(A)
25 Sinabi(B) pa ni Yahweh kay Moises nang sila'y nasa Bundok ng Sinai, 2 “Sabihin mo sa mga Israelita na pagpasok nila sa lupaing ibinigay ko sa inyo, pati ang lupain ay pagpapahingahin tuwing ikapitong taon upang parangalan si Yahweh. 3 Anim na taon ninyong tatamnan ang inyong bukirin at aalagaan ang mga ubasan. 4 Ang ikapitong taon ay taon ng lubos na pamamahinga ng lupain, isang taóng nakatalaga para kay Yahweh. Huwag ninyong tatamnan sa taóng iyon ang inyong bukirin 5 at huwag pipitasan ang mga punong ubas na hindi naalagaan. 6 Ang lahat ng maaani roon ay para sa lahat: sa inyo, sa inyong mga alipin, sa mga bayarang manggagawa, sa mga dayuhan, 7 sa inyong mga kawan at iba pang mga hayop.
Read full chapter
Deuteronomio 15:1-2
Magandang Balita Biblia
Ang Taon ng Pamamahinga(A)
15 “Ang bawat ikapitong taon ay gagawin ninyong taon ng pagpapatawad sa mga may utang sa inyo. 2 Ganito ang inyong gagawin: huwag na ninyong sisingilin ang kababayan ninyong may utang sa inyo, sapagkat ito'y taon ng pagpapatawad na itinakda ni Yahweh.
Read full chapterMagandang Balita Biblia, Copyright © Philippine Bible Society 2012.
