Exodo 20:8-11

Ang Biblia, 2001

⁸ “Alalahanin^(A) mo ang araw ng Sabbath, upang ingatan itong banal.

⁹ Anim^(B) na araw kang gagawa at iyong gagawin ang lahat ng iyong gawain;

¹⁰ ngunit ang ikapitong araw ay Sabbath sa Panginoon mong Diyos. Sa araw na ito ay huwag kang gagawa ng anumang gawain, ikaw o ang iyong anak na lalaki, ang iyong anak na babae, ang iyong aliping lalaki, ang iyong aliping babae, ang iyong mga baka, ang dayuhang nasa loob ng iyong mga pintuan;

¹¹ sapagkat^(C) sa loob ng anim na araw ay ginawa ng Panginoon ang langit at lupa, ang dagat, at lahat ng naroroon, at nagpahinga sa ikapitong araw; kaya't binasbasan ng Panginoon ang araw ng Sabbath, at ginawa itong banal.