Deuteronomio 8:7-9

Magandang Balita Biblia

⁷ sapagkat kayo'y dadalhin niya sa isang mainam na lupain, lupaing sagana sa tubig, maraming batis at bukal na umaagos sa mga burol at mga kapatagan. ⁸ Sagana rin doon sa trigo, sebada, ubas, igos, bunga ng punong granada, olibo at pulot. ⁹ Doon ay hindi kayo magkukulang ng pagkain o anumang pangangailangan. Ang mga bato roon ay makukunan ng bakal at makukunan ng mga tanso ang mga burol.