Deuteronomio 2:13-15

Magandang Balita Biblia

¹³ “‘Ngayon nga'y magpatuloy kayo; tumawid kayo sa batis ng Zared.’ At ganoon nga ang ginawa natin. ¹⁴ Tatlumpu't^(A) walong taon ang nakalipas mula nang umalis tayo sa Kades-barnea hanggang sa pagtawid natin sa Zared. Tulad ng isinumpa ni Yahweh, walang natira sa mga mandirigma ng salinlahing iyon. ¹⁵ Patuloy silang nilabanan ni Yahweh hanggang malipol silang lahat.