Deuteronomio 12:13-15

Magandang Balita Biblia (with Deuterocanon)

¹³ Ngunit huwag na huwag kayong magsusunog ng handog kahit saan ninyo maibigan. ¹⁴ Doon lamang ninyo iaalay ang mga handog na susunugin at gagawin ang lahat ng iniuutos ko sa inyo sa lugar na pipiliin ni Yahweh mula sa lupain ng isa sa inyong mga lipi.

¹⁵ “Kahit saan ay maaari kayong magpatay ng hayop at maaaring kumain ng karne nito hanggang gusto ninyo, katulad ng pagkain ng usa. Maaaring kumain nito pati ang mga itinuturing na marumi.