Deuteronomio 1:39-41

Magandang Balita Biblia (with Deuterocanon)

³⁹ “Sinabi rin niya, ‘Makakarating doon ang mga maliliit ninyong anak na hindi pa nakakaalam ng mabuti at masama—ang inyong mga anak na sinasabi ninyong mabibihag ng mga kaaway. Ibibigay ko sa kanila ang lupain at sasakupin nila ito. ⁴⁰ Ngunit kayo'y babalik sa ilang papuntang Dagat na Pula.’^[a]

Ang Pagkatalo ng Israel sa Horma^(A)

⁴¹ “Sinabi naman ninyo sa akin noon, ‘Nagkasala kami kay Yahweh. Pupunta na kami roon at makikipaglaban tulad ng iniutos niya sa amin.’ At kayong lahat ay dali-daling nagsakbat ng sandata sapagkat akala ninyo'y madali lamang ang paglusob sa kaburulan ng mga Amoreo.