Daniel 7:12-14

Ang Salita ng Dios (Tagalog Contemporary Bible)

¹² At ang natitirang tatlong hayop ay inalisan ng kapangyarihan, pero hinayaang mabuhay nang maigsing panahon.

¹³ “Pagkatapos, nakita ko ang parang tao^[a] na pinaliligiran ng ulap. Lumapit siya sa Dios na Nabubuhay Magpakailanman. ¹⁴ Pinarangalan siya at binigyan ng kapangyarihang maghari, at naglingkod sa kanya ang lahat ng tao sa ibaʼt ibang bansa, lahi, at wika. Ang paghahari niya ay walang hanggan. At walang makakapagpabagsak ng kaharian niya.