Amos 5:16-18

Ang Salita ng Dios (Tagalog Contemporary Bible)

¹⁶ Kaya ito ang sinasabi ng Panginoong Dios na Makapangyarihan: “Darating ang araw na maririnig ang mga iyakan at panaghoy sa mga plasa at mga lansangan. Ipapatawag ang mga magsasaka para umiyak sa mga patay^[a] na kasama ng mga taong inupahan para umiyak. ¹⁷ May mga iyakan din sa inyong mga taniman ng ubas.^[b] Mangyayari ito dahil parurusahan ko kayo. Ako, ang Panginoon, ang nagsasabi nito.”

Ang Araw ng Paghatol ng Dios

¹⁸ Nakakaawa kayong naghihintay ng araw ng Panginoon. Huwag ninyong isipin na araw iyon ng inyong kaligtasan. Sapagkat iyon ang araw na parurusahan kayo.