Amos 2:11-13

Magandang Balita Biblia (with Deuterocanon)

¹¹ Itinalaga^(A) kong propeta ang ilan sa inyong mga anak;
    ginawa kong Nazareo ang iba ninyong kabataan.
    Mga taga-Israel, hindi ba totoo ang aking sinasabi?
¹² Ngunit pinainom ninyo ng alak ang mga Nazareo,
    at pinagbawalang mangaral ang mga propeta.
¹³ Kaya ngayo'y pababagsakin ko kayo sa lupa,
    gaya ng kariton na di makausad sa bigat ng dala.