Amos 1:5-7

Magandang Balita Biblia (with Deuterocanon)

⁵ Wawasakin ko ang pintuan ng Lunsod ng Damasco;
    pupuksain ko ang mga taga libis ng Aven,
pati ang may hawak ng setro sa Beth-eden;
    ang mga taga-Siria naman ay dadalhing-bihag sa Kir.”

⁶ Ganito^(A) ang sabi ni Yahweh:
“Paulit-ulit na nagkasala ang mga taga-Gaza,
    kaya sila'y paparusahan ko.
Binihag nila ang isang bansa
    at ipinagbili sa mga taga-Edom.
⁷ Susunugin ko ang mga pader ng Gaza;
    tutupukin ko ang mga tanggulan doon.