2 Tesalonica 3:16-18

Ang Salita ng Dios (Tagalog Contemporary Bible)

Paalam at Bendisyon

¹⁶ Nawaʼy ang Panginoon na pinagmumulan ng kapayapaan ang siya ring magbigay sa inyo ng kapayapaan sa lahat ng pagkakataon, maging anuman ang kalagayan ninyo. At patnubayan nawa kayong lahat ng Panginoon.

¹⁷ Akong si Pablo ang mismong sumusulat ng pagbating ito: Binabati ko kayong lahat. Ganito ang ginagamit kong paraan sa lahat ng sulat ko para malaman nʼyo na ako nga ang sumulat. ¹⁸ Pagpalain nawa kayong lahat ng ating Panginoong Jesu-Cristo.