2 Tesalonica 1:2-4

Magandang Balita Biblia (with Deuterocanon)

² Sumainyo nawa ang kagandahang-loob at ang kapayapaang mula sa [ating]^[a] Diyos Ama at sa Panginoong Jesu-Cristo.

Ang Paghuhukom

³ Mga kapatid, tama lamang na kami'y laging magpasalamat sa Diyos dahil sa inyo, sapagkat patuloy na lumalago ang inyong pananampalataya kay Cristo at lalong nagiging maalab ang inyong pagmamahalan sa isa't isa. ⁴ Kaya nga, ipinagmamalaki namin kayo sa lahat ng mga iglesya ng Diyos dahil sa inyong pagtitiis at pananampalataya, sa gitna ng mga pag-uusig at mga kahirapang dinaranas ninyo.