2 Pedro 2:14-16

Magandang Balita Biblia

¹⁴ Wala silang hinahanap kundi ang pagkakataong makiapid; wala silang sawa sa paggawa ng kasalanan. Itinutulak pa nila sa pagkakasala ang mahihina. Sila'y mga sakim at sila'y isinumpa! ¹⁵ Lumihis^(A) sila sa matuwid na landas at naligaw. Tinularan nila si Balaam, anak ni Beor^[a] na nagpahalaga sa salapi kapalit ng paggawa niya ng masama. ¹⁶ Dahil sa kanyang kasalanan, siya'y sinumbatan ng kanyang asno na nagsalitang parang tao upang siya'y sawayin sa kanyang kabaliwan.