2 Mga Hari 14:11-13

Magandang Balita Biblia (with Deuterocanon)

¹¹ Ngunit hindi pinansin ni Haring Amazias ang sinabi ni Haring Jehoas. Kaya sumalakay ang hukbo ni Jehoas sa Beth-semes na sakop ng Juda. ¹² Natalo ng Israel ang Juda at ang mga tauhan nito'y nagkanya-kanyang takas pauwi. ¹³ Binihag ni Haring Jehoas si Amazias at sinalakay ang Jerusalem. Iginuho niya ang pader nito mula sa Pintuang Efraim hanggang sa Pintuang Sulok; ito'y may habang halos 180 metro.